असार २३, पोखरा । पोखरास्थित सृजनाचोकमा रहेको इन्फोम्याटिक्स इन्टिच्युटले आफ्ना रेडियो तथा पत्रकारीताका विद्यार्थीहरुको लागि अवलोकन भ्रमण गराएको छ ।
इन्टिच्युटले पोखरा–२० भलाम मा रहेको हरीहर गुफा सन्यास आश्रममा अवलोकन गराएको हो । अवलोकनका क्रममा हरीहर गुफा सन्यास आश्रम संचालक समितिका महासचिव गणेश बहादुर खत्रीले सन्यास आश्रमका बारेका विद्यार्थीहरुलाई जानकारी गराएका थिए ।
त्यस्तै आश्रमका पिठाधिश ब्रह्मनिष्ट महामण्डलेश्वर अनन्तश्री स्वामी आत्मनन्द गिरी जी महाराजले विद्यार्थीहरुलाई कर्तव्य र अनुशासनका बारेमा बताएका थिए । भ्रमण कार्यक्रममा १२ जना विद्यार्थीहरु सहभागी रहेको र विद्यार्थीहरुलाई बाहिरी वातावरणको ज्ञान होस भनी सो अवलोकन कार्यक्रमको आयोजना गरीएको तालिमका प्रमुख प्रशिक्षक विनोद पहारीले जानकारी दिए ।
0 comments :
Post a Comment